ახალქალაქის რაიონულ სასამართლოს სკოლის მოსწავლეები ეწვივნენ

ახალქალაქის რაიონულმა სასამართლომ 2024 წლის 21 თებერვალს ქ. ახალქალაქის №4, საჯარო სკოლის მოსწავლეებს უმასპინძლა. მოსწავლეები დაესწრნენ სისხლის სამართლის საქმის განხილვას, რომელზეც სასამართლომ გამამართლებელი განაჩენი გამოიტანა. სასამართლო სხდომის დამთავრების შემდეგ მათ შეხვდა სასამართლოს თავმჯდომარე ბატონი არარატ ესოიანი და ამომწურავი პასუხები გასცა მათთვის საინტერესო საკითხებზე.

სტუმრები კმაყოფილნი დარჩნენ სასამართლოში ვიზიტით და ამგვარი ღონისძიების ხშირად ჩატარების სურვილი გამოთქვეს.

ახალქალაქის რაიონული სასამართლო მომავალშიც განაგრძობს მსგავს შეხვედრებს.