ახალციხის რაიონულმა სასამართლომ ხუთი პირის მიმართ გამამართლებელი განაჩენი დაადგინა.

2012 წლის 15 მარტს ახალციხის რაიონულმა სასამართლომ საქმის არსებითი განხილვის შედეგად გამამართლებელი განაჩენი დადგინა. ა. ჩ-ს საქართველოს ,,წითელ ნუსხაში’’ შეტანილი მურა დათვის მოკვლა, მის ოთხ მეგობარს კი აღნიშნულ დანაშაულში მონაწილეობა ედებოდათ ბრალად, თუმცა სასამართლომ საკითხი მათ სასარგებლოდ გადაწყვიტა.

ბრალდების მიხედვით ფ. ვ-ს, გ. ქ-ს, გ. ქ-ს, ზ. გ-ს. და ო. მ-ს. ქმედება გამოიხატა შემდეგში: 2011 წლის 4 დეკემბერს ფ. ვ-ე, გ. ქ-ე, გ. ქ-ე, ზ. გ-ე. ო. მ-ე და ა. ჩ-ა  სანადიროდ იმყოფებოდნენ ადიგენის რაიონის სოფელ მ-ის მიმდებარე ტერიტორიაზე არსებულ ტყის მასივში, სადაც ა. ჩ. თავისი კუთვნილი სანადირო თოფიდან ორი გასროლით მოკლა საქართველოს „წითელ ნუსხაში“ შეტანილი მურა დათვი. გ. ქ-ს, გ. ქ-ს, ო. მ-ს, ფ. ვ-ს, ზ. გ-ს და ა. ჩ-ს. ბრალი წარედგინათ, როგორც ამსრულებლებს, რომლებიც ერთობლივად მონაწილეობდნენ დანაშაულის ჩადენაში. ა. ჩ-ნ. გაფორმდა საპროცესო შეთანხმება, ხოლო ფ. ვ-ს, გ. ქ-ს, გ. ქ-ს, ზ. გ-ს. და ო. მ-ს. მიმართ გამოიყო საქმე ცალკე წარმოებად.

სასამართლომ იმსჯელა საქმეში წარმოდგენილ მტკიცებულებებზე და დაადგინა, რომ წარმოდგენილი მტკიცებულებებით უტყუარად არ დასტურდება ის გარემოება, რომ გ. ქ-ემ, გ. ქ-ემ, ო. მ-ემ, ფ. ვ-ემ. და ზ. გ-ემ. უშუალო მონაწილეობა მიიღეს ა. ჩ-ს. მიერ მურა დათვის მოკვლაში. შესაბამისად, სასამართლომ ეჭვი ბრალდებულების სასარგებლოდ გადაწყვიტა და ხუთივე პირის მიმართ გამამართლებელი განაჩენი დაადგინა.