ნონა ჭოჭუას ბრალი ედებოდა ქურდობაში, კერძოდ, 2012 წლის 10 მარტს იგი ფარულად დაეუფლა სხვის კუთვნილ კომპიუტერს, რომლის ღირებულება 800 ლარს შეადგენდა.

  როგორც გამოძიების, ასევე საქმის სასამართლო განხილვის დროს, ბრალდებულმა ნონა ჭოჭუამ წარდგენილ ბრალდებაში თავი დამნაშავედ არ ცნო.

  საქმეში არსებული მტკიცებულებებისა და მოწმეთა ჩვენების საფუძველზე, ბრალდებულის ჩვენება სრულად დადასტურდა. შესაბამისად, სასამართლომ გაიზიარა ბრალდებულის ჩვენებები მისი უდანაშაულობის შესახებ, ვინაიდან, ბრალდების მხარის მიერ წარმოდგენილი მტკიცებულებები საკმარისი არ აღმოჩნდა წარდგენილი ბრალდებით მისი დამნაშავედ ცნობისათვის. ბათუმის საქალაქო სასამართლომ ნონა ჭოჭუა უდანაშაულოდ სცნო წარდგენილ ბრალდებაში და მის მიმართ დაადგინა გამამართლებელი განაჩენი.