2015 წლის 03 ნოემბერს ბათუმის საქალაქო სასამართლოში გაიმართა შეხვედრა ბათუმის სახელმწიფო უნივერსიტეტის იურიდიული ფაკულტეტის პირველ კურსელებისათვის.
შეხვედრის ფარგლებში სტუდენტები სისხლის სამართლის პროცესს დაესწრნენ, ხოლო პროცესის შემდგომ მათ ლექცია ბათუმის საქალაქო სასამართლოს თავმჯდომარემ ბატონმა დავით მამისეიშვილმა წაუკითხა.
ლექციის შემდგომ ბათუმის საქალაქო სასამართლოს მენეჯერმა ივერი აბაშიძემ სტუდენტებს დაათვალიერებინა სასამართლოს შენობა, ნაფიც მსაჯულთა სხდომისა და სათათბირო დარბაზები, ასევე გააცნო თანამშრომელთა მუშაობის სპეციფიკა.
შეხვედრა საკმაოდ საინტერესო და პროდუქტიული აღმოჩნდა. სტუდენტებმა და ლექტორ-მასწავლებლებმა ბატონებმა ადამ მახარაძემ და მურმან გორგოშაძემ მსგავსი შეხვედრების სურვილი სამომავლოდაც გამოთქვეს. |