ბათუმის საქალაქო სასამართლოში მოწმე გამოძიების ეტაპზე მოსამართლის წინაშე დაიკითხა.

ბათუმის საქალაქო სასამართლოში განხორციელდა გამოძიების ეტაპზე მოწმის მოსამართლის წინაშე დაკითხვა. ერთ-ერთ სისხლის სამართლის საქმეზე, რომელზეც გამოძიება მიმდინარეობს საქართველოს სისხლის სამართლის კოდექსის 180-ე მუხლის მე-2 ნაწილის ,,ბ“ ქვეპუნქტით. 2016 წლის 30  მარტს აჭარის ავტონომიური რესპუბლიკის  პროკურატურის საგამოძიებო ნაწილმა აღნიშნულ საქმეზე შუამდგომლობით მომართა სასამართლოს გამოძიების ეტაპზე მოსამართლის წინაშე მოწმის დაკითხვის თაობაზე. შუამდგომლობის დასაბუთება აგებული იყო იმ გარემოებაზე მითითებით, რომ მოწმემ გამოძიების ფარგლებში უარი განაცხადა გამოკითხვაზე. სასამართლოს მიერ პროკურატურის შუამდგომლობა დაკმაყოფილდა და მოწმე მოსამართლის წინაშე დახურულ სხდომაზე დაიკითხა.