ბათუმის საქალაქო სასამართლოში განხორციელდა გამოძიების ეტაპზე მოწმის მოსამართლის წინაშე დაკითხვა. ერთ-ერთ სისხლის სამართლის საქმეზე, რომელზეც გამოძიება მიმდინარეობს საქართველოს სისხლის სამართლის კოდექსის 181-ე მუხლის მე-2 ნაწილის ”ა” და ”გ” ქ/პუნქტებითა და 236-ე მუხლის მე-2 და მე-3 ნაწილებით. 2016 წლის 22 აგვისტოს აჭარის ავტონომიური რესპუბლიკის პროკურატურამ აღნიშნულ საქმეზე შუამდგომლობით მომართა სასამართლოს გამოძიების ეტაპზე მოსამართლის წინაშე მოწმის დაკითხვის თაობაზე. შუამდგომლობის დასაბუთება აგებული იყო იმ გარემოებაზე მითითებით, რომ მოწმე არის უცხო ქვეყნის მოქალაქე და დიდი ხნით ტოვებს საქართველოს ტერიტორიის ფარგლებს. სასამართლოს მიერ პროკურატურის შუამდგომლობა დაკმაყოფილდა და მოწმე მოსამართლის წინაშე მხარეთა მონაწილეობით დახურულ სხდომაზე დაიკითხა. |