ინფორმაცია

ფოთის საქალაქო სასამართლომ 2012 წლის 13 ივლისს განიხილა სახელმწიფო აუდიტის სამსახურის მიერ შედგენილი სამართალდარღვევის ოქმი და მასალები პოლიტიკური გაერთიანება ,,ერთიანი ნაციონალური მოძრაობისა” და ფოთის საკრებულოს წევრ თენგიზ სარიშვილის მიმართ, მოქალაქე ლიდია უდალოვასათვის სატელიტური ანტენის უსასყიდლოდ გადაცემის ფაქტზე.

სასამართლომ განიხილა სამართალდარღვევის მასალები და თენგიზ სარიშვილი ცნო სამართალდამრღვევად აკრძალული შემოწირულობის განხორციელებაში, რისთვისაც ადმინისტრაციული სახდელის სახით განესაზღვრა ჯარიმა განხორციელებული შემოწირულობის ხუთმაგი ოდენობით.