|
2014 წლის 5 მარტს, თბილისის საქალაქო სასამართლომ კიდევ ერთ უმაღლეს სასწავლებელთან გააფორმა ურთიერთთანამშრომლობის მემორანდუმი. გურამ თავართქილაძის სასწავლო უნივერსიტეტსა და თბილისის საქალაქო სასამართლოს შორის დადებულ მემორანდუმს ხელი უნივერსიტეტის რექტორმა გია მათიაშვილმა თბილისის საქალაქო სასამართლოს თავმჯდომარემ მამუკა ახვლედიანმა მოაწერეს.
ურთიერთთანამშრომლობის მემორანდუმის გაფორმების შემდეგ სასამართლოს თავმჯდომარე სამართლისა და ჟურნალისტიკის ფაკულტეტის სტუდენტებს შეხვდა და მათ სასამართლოს ფუნქციონირებისა და მოქალაქეთა მომსახურების ეფექტურობის შესახებ ესაუბრა. მამუკა ახვლედიანმა სტუდენტებს სასამართლოში საქმის ელექტრონული წარმოების შესახებაც მიაწოდა ინფორმაცია.
შეხვედრა კითხვა-პასუხის რეჟიმში წარიმართა. მემორანდუმის ფარგლებში დაიგეგმა ერთობლივი პროგრამები, რაც მომავალი იურისტების პროფესიული განვითარების ხელშეწყობას ისახავს მიზნად. |
მომწონს (
არ მომწონს (
