|
2014 წლის 17 მარტს თბილისის საქალაქო სასამართლომ ურთიერთთანამშრომლობის მემრორანდუმი თბილისის ღია სასწავლო უნივერსიტეტთან გააფორმა. მემორანდუმს ხელი თბილისის საქალაქო სასამართლოს თავმჯდომარემ მამუკა ახვლედიანმა და თბილისის ღია სასწავლო უნივერსიტეტის რექტორმა ნოდარ პაპუკაშვილმა მოაწერეს.
მემორანდუმის ხელმოწერის შემდეგ თბილისის საქალაქო სასამართლოს თავმჯდომარე სამართლის ფაკულტეტის სტუდენტებს შეხვდა და მათ შეკითხვებს უპასუხა. სტუდენტებისათვის განსაკუთრებით საინტერესო სასამართლოშიმოკლევადიანი საგანმანათლებლო პრაქტიკული კურსებისა და სტაჟირების გავლის წესი იყო. ასევე, სტუდენტების შეკითხვები მოქმედი საპროცესო კოდექსისა და ნაფიც მსაჯულთა ინსტიტუტის საკითხებს შეეხო. მამუკა ახვლედიანმა დღევანდელ შეხვედრაზე სასამართლოს დამოუკიდებლობისა და მიუკერძოებლობის ერთ-ერთ აუცილებელ წინაპირობაზე - მოსამართლეთა უვადო დანიშვნაზეც ისაუბრა.
ურთიერთთანამშრომლობის მემორანდუმი ერთობლივი პროექტების განხორციელებას და სტუდენტთა პროფესიული განვითარების ხელშეწყობას ითვალისწინებს.
|
მომწონს (
არ მომწონს (
