სასამართლოს ბიბლიოთეკა იურიდიული ლიტერატურით შეივსება

2014 წლის 18 მარტს, თბილისის საქალაქო სასამართლოსა და შპს ”Paper box ქაღალდის ყუთს” შორის ურთიერთთანამშრომლობის მემორანდუმი გაფორმდა. მემორანდუმს ხელი მოაწერეს სასამართლოს მენეჯერმა მაკა თოდუამ და შპს ”Paper box ქაღალდის ყუთის” დირექტორმა უჩა ბოჭორიშვილმა.

მემორანდუმი თბილისის საქალაქო სასამართლოში სასამართლოსვე ორგანიზებით მაკულატურის შეგროვებას, შპს ”Paper box ქაღალდის ყუთის” მიერ მის წაღებას და მაკულატურის შესაბამისი ღირებულების იურიდიული ლიტერატურის სასამართლოს ბიბლიოთეკისათვის გადაცემას ითვალისწინებს.

პროექტის მიზანია გამოუსადეგარი მაკულატურის სარგებლიანი გამოყენება და გარემოს დაცვა, ასევე, სასამართლოს ბიბლიოთეკის იურიდიული ლიტერატურით შევსება.