|
2014 წლის 4-5 აპრილს თბილისის საქალაქო სასამართლოს, გერმანიის საერთაშორისო თანამშრომლობის საზოგადოების (GIZ), მართლმსაჯულების დამოუკიდებლობისა და სამართლებრივი გაძლიერების პროექტის( JILEP) ორგანიზებით მედიაციის თემაზე გასვლითი სამუშაო შეხვედრა კაჭრეთში გაიმართა.
შეხვედრას თბილისის საქალაქო სასამართლოს თავმჯდომარე მამუკა ახვლედიანი, სამოქალაქო საქმეთა კოლეგიის მოსამართლეები, სასამართლოს მედიაციის სამუშაო ჯგუფის წევრები, მედიატორები, პროექტში ჩართული არასამათავრობო ორგანიზაციების წარმომადგენლები დაესწრნენ.
რით განსხვავდება მედიაცია სასამართლოში მხარეთა მორიგებისაგან, რატომ უნდა მიენიჭოს მას უპირატესობა, როდის არის მედიაცია მიზანშეწონილი, რა ინფორმაცია და როგორ უნდა მიაწოდოს მოსამართლემ მხარეებს მედიაციის შესახებ - სწორედ ამ საკითხებზე იმსჯელეს მხარეებმა შეხვედრაზე.
მსგავსი შეხვედრების მიზანია მედიაციის პროექტის უპირატესობების თვალნათვლივ წარმოჩენა და სასამართლო პრაქტიკაში მისი დანერგვა. თბილისის საქალაქო სასამრთლოში მედიაციის საპილოტე პროექტი 2013 წლის დეკემბრიდან ამოქმედდა. |
მომწონს (
არ მომწონს (
