|
თბილისის საქალაქო სასამართლოში თურქეთის მოსამართლეთა და პროკურორთა უმაღლესი საბჭოს წარმომადგენლები იმყოფებოდნენ. დელეგაცია საქართველოს 23 სექტემბერს ესტუმრა და უკვე გამართა შეხვედრები იუსტიციის უმაღლეს საბჭოში, თბილისის სააპელაციო სასამართლოსა და უზენაეს სასამართლოში. ვიზიტის ფარგლებში საქართველოს იუსტიციის უმაღლესი სკოლის დამოუკიდებელი საბჭოს თავმჯდომარე - მამუკა ახვლედიანთან და სკოლის დირექტორ - ლაშა მაღრაძესთან დაგეგმილი შეხვედრა თბილისის საქალაქო სასამართლოში გაიმართა.
შეხვედრაზე მხარეებმა სასამართლო სისტემაში მიმდინარე რეფორმებზე ისაუბრეს. კერძოდ, საუბარი შეეხო საქმის ელექტრონულ წარმოებასა და მედიაციის სამსახურის ფუნქციონირებას. მამუკა ახვლედიანმა დელეგაციის წევრებს იუსტიციის უმაღლეს სკოლაში დაგეგმილი ახალი პროექტები გააცნო.
შეხვედრის შემდეგ საქალაქო სასამართლოს თავმჯდომარემ სტუმრებს სასამართლოს შენობა და მოქალაქეთა მომსახურების მშენებარე ცენტრი დაათვალიერებინა და ცენტრის მნიშვნელობაზე ესაუბრა.
თურქეთის მოსამართლეთა და პროკურორთა უმაღლესი საბჭოს ვიზიტი საქართველოში დღეს, 25 სექტემბერს დასრულდება.
|
მომწონს (
არ მომწონს (
