დაარსდა არაკომერციული იურიდიული პირი: "საქართველოს სასამართლოების მოხელეთა პროფესიული ასოციაცია“

“ჩვენ, საქართველოს სასამართლოების მოხელეები, ვითვალისწინებთ რა, მართლმსაჯულების მაღალ სოციალურ როლს, გააზრებული გვაქვს სასამართლოს დამოუკიდებლობისა და მართლმსაჯულებისადმი საზოგადოებრივი ნდობის მნიშვნელობა; 

გვწამს რა, მიუხედავად ფუნქციური, თუ ინსტანციური განსხვავებისა, საქართველოს ყველა სასამართლო და სასამართლო უწყება მართლმსაჯულების ერთიანი სისტემის ნაწილია,” - ეს ტექსტი პრეამბულაა ახლადშექმნილი არასამეწარმეო, არაკომერციული ორგანიზაციისა, რომელიც სააპელაციო სასამართლოს მოხელეთა ინიციატივით 18 ნოემბერს დაარსდა. 

ორგანიზაციის შექმნის მიზანს წარმოადგენს: უზრუნველყოს საქართველოს სასამართლოებში დამოუკიდებლობისა და ნდობის, სოციალური პასუხისმგებლობისა და ჩართულობის, პროფესიული განათლებისა და ინოვაციური მიდგომების განვითარება.

საქართველოს სასამართლოების მოხელეთა პროფესიული ასოციაცია გეგმავს მრავალი საინტერესო, სასარგებლო და ინოვაციური პროდუქტი შესთავაზოს, როგორც იურიდიულ საზოგადოებისთვის, ისე მოქალაქეებისთვის.

საქართველოს სასამართლოების მოხელეთა პროფესიული ასოციაციის წევრობა შეუძლია, სასამართლო სისტემის ნებისმიერ მოხელეს.

ასოციაციის შესახებ დამატებითი ინფორმაცია შეგიძლიათ იხილოთ სამეწარმეო რეესტრის საძიებო სისტემის გამოყენებით (https://enreg.reestri.gov.ge/ (ასოციაციის საიდენტიფიკაციო კოდია 400105266)), ასევე ასოციაციის Facebook-ის გვერდზე (https://facebook.com/gcepa2013). ასოციაციის ელექტრონული ფოსტის მისამართია: gcepa2013@yahoo.com