|
2014 წლის 3 დეკემბერს, თბილისის საქალაქო სასამართლოს შავი ზღვის საერთაშორისო უნივერსიტეტის სამართლის ფაკულტეტის სტუდენტები სტუმრობდნენ.
სასამართლოსა და უნივერსიტეტს შორის ურთიერთთანამშრომლობის მემორანდუმი რამდენიმე თვის წინ გაფორმდა. სწორედ მემორანდუმის ფარგლებში მოქალაქეთა მომსახურების ახლადგახსნილი ცენტრი და სასამართლოს სხდომის დარბაზები სტუდენტებს თბილისის საქალაქო სასამართლოს მენეჯერმა მაკა თოდუამ დაათვალიერებინა. მათ საშუალება ჰქონდათ, სასამართლოში საქმის შემოსვლისა და რეგისტრაციის პროცესს დაკვირვებოდნენ.
დღესვე, შენობის დათვალიერების შემდეგ, სტუდენტებს თბილისის საქალაქო სასამართლოს თავმჯდომარე მამუკა ახვლედიანი შეხვდა. ლექცია-სემინარი სასამართლო სისტემაში მიმდინარე რეფორმებსა და მომავალ პროექტებს შეეხო. კერძოდ, მამუკა ახვლედიანი სტუდენტებს სასამართლო ხელისუფლების დამოუკიდებლობის მნიშვნელობაზე, მედიაციის სამსახურის ფუნქციონირებასა და საქმის ელექტრონული წარმოების შესახებ ესაუბრა.
შეხვედრა კითხვა-პასუხის რეჟიმში წარიმართა, სასამართლოს თავჯდომარემ სტუდენტების შეკითხვებს უპასუხა. |
მომწონს (
არ მომწონს (
