|
თბილისის საქალაქო სასამართლომ იაშვილის კლინიკის პატარა პაციენტებს დამდეგი ახალი წელი მიულოცა და 6 წლის გიგა გელაშვილს საახალწლო სურვილი აუსრულა.
სოციალური ქსელებით გავრცელებულ წერილებში, რომლებსაც იაშვილის კლინიკის პაციენტები თოვლის ბაბუას წერენ, გიგა გელაშვილის წერილი ერთ-ერთია. გიგას საახალწლო სურვილი ველოსიპედი იყო. თბილისის საქალაქო სასამართლომ გადაწყვიტა მისთვის ეს სურვილი აესრულებინა და თანადგომა გამოეხატა ლეიკემიით დაავადებული ბავშვებისთვის.
გიგა გელაშვილსა და კლინიკის სხვა პაციენტებს საახალწლო საჩუქრები და ტკბილეული თბილისის საქალაქო სასამართლოს თავმჯდომარემ მამუკა ახვლედიანმა და მენეჯერმა მაკა თოდუამ გადასცეს.
ლეიკემია იკურნება თანადგომითა და სიყვარულით. |
მომწონს (
არ მომწონს (
