საახალწლო ღონისძიება თბილისის საქალაქო სასამართლოში

თბილისის საქალაქო სასამართლოს საჯარო მოხელეთა ასოციაციამ თანამშრომლებისა და მათი შვილებისათვის საახალწლო მიღება გამართა.

თოვლის ბაბუა და სხვადასხვა ზღაპრის პერსონაჟი ბავშვების საახალწლო განწყობაზე ზრუნავდნენ. შოუ-პროგრამა საათნახევრის განმავლობაში გრძელდებოდა და დასასრულს,   თოვლის ბაბუამ ახალი წელი ბავშვებს ტკბილეულით მიულოცა.

საჯარო მოხელეთა ასოციაციის მხარდაჭერით საახალწლო ღონისძიება თანამშრომელთა შვილებისათვის ტრადიციულად ყოველ წელს იმართება.