ქართველი მოსამართლეების დელეგაცია პოლონეთში

საერთაშორისო თანამშრომლობა კორუფციის წინააღმდეგ ბრძოლაში და კორუფციული საქმეების განხილვის სასამართლო პრაქტიკის მიმოხილვა -  ამ მიზნით ქართველი მოსამართლეების დელეგაცია პოლონეთში, ქალაქ ლუბლინში იმყოფებოდა. ეს იყო ევროკავშირის ეგიდით, საქართველოს იუსტიციის სამინისტროს, პოლონეთის საზოგადოებრივი პროკურატურისა და სასამართლოს საერთაშორისო თანამშრომლობის დეპარტამენტის მიერ ორგანიზებული საერთაშორისო კონფერენცია სახელწოდებით: "ბრძოლა კორუფციის წინააღმდეგ". ვიზიტი მიმდინარე წლის 28-დან 30 ნოემბრამდე გაგრძელდა. კონფერენციაში მონაწილეობას იღებდა ქუთაისის საქალაქო სასამართლოს მოსამართლე თეიმურაზ სვანიძე. ამ ღონისძიებამ ქართველ მოსამართლეებს საშუალება მისცა  გასცნობოდნენ კორუფციის წინააღმდეგ ბრძოლის მეთოდებს  ევროპის ქვეყნებში.  მართლმსაჯულების ქართველ და ევროპელ წარმომადგენლებს შორის გაიმართა საინტერესო დისკუსიები და აზრთა გაზიარება სასამართლო სისტემაში არსებულ აქტუალურ საკითხებზე.