დანიის სასამართლო სისტემის მოწყობის, სასამართლოების მუშაობის ძირითადი პრინციპების გაცნობისა და გამოცდილების გაზიარების მიზნით ქუთაისის საქალაქო სასამართლოს მოსამართლე ციცინო მოსიძე ქართველ მოსამართლეებთან ერთად სამუშაო ვიზიტით იმყოფებოდა დანიაში, ქალაქ კოპენჰაგენში. ვიზიტი ევროპის საბჭოსა და დანიის კავკასიის პროგრამის მიერ იყო ორგანიზებული. სამუშაო ვიზიტი მიმდინარე წლის 5 დეკემბრიდან 8 დეკემბრის ჩათვლით გაგრძელდა. აღნიშნული ვიზიტი ხელს შეუწყობს ორი ქვეყნის სასამართლოებს შორის გამოცდილების გაზიარებას და მომავალ ურთიერთთანამშრომლობას. |