,,მძიმე კატეგორიის დანაშაულში ბრალდებული პირის მიმართ საქმის განხილვა დასრულდა"

2019 წლის 25 თებერვალს, ზესტაფონის რაიონულმა სასამართლომ დაასრულა სისხლის სამართლის საქმის განხილვა ბრალდებულ ბ. გ.-ს მიმართ, დანაშაულისათვის რაც გათვალისწინებულია საქართველოს სსკ 179-ე მუხლის 1-ლი ნაწილით. სასამართლო სხდომაზე, ბრალდების მხარის მიერ წარმოდგენილი მტკიცებულებების ურთიერთშეჯერებისა და გაანალიზების შემდეგ, სასამართლომ ბ. გ.-ს მიმართ საქართველოს სსკ 179-ე მუხლის 1-ლი ნაწილით წარდგენილი ბრალდება გადააკვალიფიცირა საქართველოს სსკ 150-ე მუხლის პირველ ნაწილზე (2018 წლის 8 ივნისამდე მოქმედი რედაქცია) და სსკ 151-ე მუხლის პირველ ნაწილზე (2018 წლის 8 ივნისამდე მოქმედი რედაქცია);

ბ. გ. ცნობილ იქნა დამნაშავედ საქართველოს სსკ 150-ე მუხლის 1-ლი ნაწილით (2018 წლის 8 ივნისამდე მოქმედი რედაქციით), სსკ 151-ე მუხლის 1-ლი ნაწილით (2018 წლის 8 ივნისამდე მოქმედი რედაქციით) გათვალისწინებული დანაშაულების ჩადენისათვის და სასჯელის სახედ და ზომად განესაზღვრა:

საქართველოს სსკ 150-ე მუხლის 1-ლი ნაწილით (2018 წლის 8 ივნისამდე მოქმედი რედაქციით) - თავისუფლების აღკვეთა 8 (რვა) თვის და 18 (თვრამეტი) დღის ვადით;

საქართველოს სსკ 151-ე მუხლის 1-ლი ნაწილით (2018 წლის 8 ივნისამდე მოქმედი რედაქციით) - თავისუფლების აღკვეთა 8 (რვა) თვის ვადით;

საქართველოს სისხლის სამართლის კოდექსის 59-ე მუხლის მე-2 ნაწილის თანახმად, უფრო მკაცრმა სასჯელმა შთანთქა ნაკლებად მკაცრი სასჯელი და საბოლოოდ ბ. გ.-ს (დანაშაულთა ერთობლიობით) სასჯელის სახედ და ზომად განესაზღვრა თავისუფლების აღკვეთა 8 (რვა) თვის და 18 (თვრამეტი) დღის ვადით, რომლის ვადის ათვლა დაეწყო დაკავების მომენტიდან - 2018 წლის 7 ივნისიდან;

მსჯავრდებულ ბ. გ.-ს, დანიშნული სასჯელი ჩაეთვალა მოხდილად, აღკვეთის ღონისძიება პატიმრობა გაუქმდა და დაუყოვნებლივ გათავისუფლდა სასამართლო სხდომის დარბაზიდან.