ახალქალაქის მუნიციპალიტეტის სოფელ კოთელიის და სოფელ ჩუნჩხის საჯარო სკოლების მოსწავლეები საქართველოს განათლებისა და მეცნიერების სამინისტროს ”პროფორიენტაციისა და კარიერის დაგეგმვის ახალქალაქის ცენტრის” ორგანიზებით მიმდინარე წლის 23 თებერვალს ესტუმრნენ ახალქალაქის რაიონულ სასამართლოს. მოსწავლეებმა დაათვალიერეს სასამართლოს შენობა, გაეცნენ სასამართლოს მანდატურის სამსახურის და სასამართლოს კანცელარიის საქმიანობას. მათ ასევე მოინახულეს სასამართლო სხდომის დარბაზი. სასამართლოს მენეჯერმა მოსწავლეებს მათთვის საინტერესო სამართლებრივ თემებზე ესაუბრა და დასმულ შეკითხვებს უპასუხა. |