ახალქალაქის რაიონულმა სასამართლომ სკოლის მოსწავლეებს უმასპინძლა

ახალქალაქის რაიონულმა სასამართლომ 2022 წლის 15 ნოემბერს ქ. ახალქალაქის №1, №3, №4 და №5 საჯარო სკოლების მოსწავლეებს უმასპინძლა.

შეხვედრის მიზანს წარმოადგენდა მოსწავლეებისათვის სასამართლოს საქმიანობის და სისტემის სპეციფიკის გაცნობა.

მოსწავლეები დაესწრნენ სამოქალაქო საქმის განხილვას. სასამართლო სხდომის დამთავრების შემდეგ მათ შეხვდა სასამართლოს თავმჯდომარე ბატონი არარატ ესოიანი და ამომწურავი პასუხები გასცა მათთვის საინტერესო შეკითხვებზე.

მოსწავლეებმა დაათვალიერეს სასამართლოს ადმინისტრაციული შენობა, გაეცნენ სამუშაო პირობებს.