ქუთაისის საქალაქო სასამართლოში ურთიერთთანამშრომლობის მემორანდუმი გაფორმდა

2014 წლის 21 მაისს, ქუთაისის საქალაქო სასამართლოსა და სასწავლო უნივერსიტეტ გელათს შორის ურთიერთთანამშრომლობის მემორანდუმი გაფორმდა. ხელშეკრულებას ხელი ქუთაისის საქალაქო სასამართლოს თავჯდომარემ თემურ გოგოხიამ და უნივერსიტეტის რექტორმა არჩილ ბუიღლიშვილმა მოაწერეს.

მემორანდუმის საფუძველზე იგეგმება სტუდენტთა სასამართლოსთან ურთიეთობის გზით, მათი პროფესიული დაოსტატება,   განვითარება და პრაქტიკული უნარჩვევების გამომუშავება.

უმაღლეს საგანმანათლებლო სასწავლებლებთან თანამშრომლობის მიზანს კვალიფიციური იურიდიული განათლების ხელშეწყობა წარმოადგენს. სტუდენტებისათვის სასამართლო სისტემის გაცნობა, მათი ინფორმირება მოქმედი კანონმდებლობისა და სამართლებრივი საკითხების თაობაზე, ხელს შეუწყობს მომავალი იურსიტების სამართლებრივი ცოდნის ამაღლებას.

მემორანდუმი თბილისის ღია სასწავლო უნივერსიტეტთან

2013 წლის 26 სექტემბერს, ქუთაისის საქალაქო სასამართლოსა და თბილისის ღია სასწავლო უნივერსიტეტს შორის ურთიერთანამშრომლობის მემორანდუმი გაფორმდა. ხელშეკრულებას ხელი ქუთაისის საქალაქო სასამართლოს თავჯდომარემ თემურ გოგოხიამ და თბილისის ღია სასწავლო უნივერსიტეტის რექტორმა ნოდარ პაპუკაშვილმა მოაწერეს.

მემორანდუმის საფუძველზე დაგეგმილია ისეთი პროგრამების განხორციელება, რომლებიც ითვალისწინებს სამართლებრივი კვლევების ჩატარებას. ასევე სასამართლო სისტემის პოპულარიზაციას, საგანმანათლებლო საქმიანობასა და სტუდენტების პროფესიული უნარ-ჩვევების განვითარების ხელშეწყობას.

უმაღლეს საგანმანათლებლო სასწავლებლებთან თანამშრომლობის მიზანს კვალიფიციური იურიდიული განათლების ხელშეწყობა, ერთობლივი პროექტების შემუშავება და მათი პრაქტიკული განხორციელება წარმოადგენს. სტუდენტებისათვის სასამართლო სისტემის გაცნობა, მათი ინფორმირება მოქმედი კანონმდებლობისა და სამართლებრივი საკითხების თაობაზე ხელს შეუწყობს მომავალი იურსიტების სამართლებრივი ცოდნის ამაღლებას.