2014 წლის 18 დეკემბერს, ქუთაისის საქალაქო სასამართლოში დასრულდა ნაფიც მსაჯულთა მონაწილეობით მეორე სისხლის სამართლის საქმის არსებითი განხილვა. ბრალდების შესახებ დადგენილების მიხედვით ნ. ჩ-ს ბრალი ედებოდა რომ მან ჩაიდინა ორი პირის განზრახ მკვლელობის მცდელობა, რაც გამოიხატა შემდეგში:
2014 წლის 29 მარტს, დაახლოებით 22:00 საათზე, ქალაქ ქუთაისში, ნიკეას ქუჩა მეშვიდე ჩიხი №5-ში მდებარე, რესტორან "ბასტილია"-ში ნ. ჩ-ს შელაპარაკება მოუვიდა რ. კ-სთან და გ. ყ-სთან. ნ. ჩ დანის გამოყენებით შეეცადა მათი სიცოცხლის მოსპობას, კერძოდ ნ. კ-ს მიაყენა შემავალი ჭრილობა გულმკერდის არეში, ხოლო გ.ყ-ს შემავალი ჭრილობა მუცლის არეში.
სისხლის სამართლის საქმეზე მტკიცებულებათა გამოკვლევის და მხარეთა დასკვნითი სიტყვების მოსმენის შემდგომ თორმეტივე ნაფიცმა მსაჯულმა გამამართლებელი ვერდიქტი ერთხმად მიიღო.
|