სისხლის უანგარო დონაციის აქცია

2015 წლის 14 ივნისს სისხლის დონაციის საერთაშორისო დღეს, ქუთაისის საქალაქო სასამართლოს თანამშრომლები შეუერთდნენ საქველმოქმედო ფონდ ,,მეობის“ და იაშვილის სახელობის ბავშვთა რესპუბლიკური საავადმყოფოს მიერ ორგანიზებულ, ამავე კლინიკის პაციენტი ბავშვებისათვის საჭირო სისხლის უანგარო გაღების აქციას. აქციის მიზანი სისხლის უანგარო დონაციის პოპულარიზაცია და დაავადებული ბავშვებისთვის საჭირო სისხლისა და სისხლის კომპონენტების დეფიციტის შემცირებაა. ქუთაისის საქალაქო სასამართლო მომავალშიც გეგმავს მსგავსი ტიპის ღონისძიებებში მონაწილეობას.