2015 წლის 05 აგვისტოს ქუთაისის საქალაქო სასამართლოში დასრულდა ნაფიც მსაჯულთა მონაწილეობით მეხუთე სისხლის სამართლის საქმის არსებითი განხილვა. ბრალდების შესახებ დადგენილების მიხედვით მ.გ-ს ბრალი ედებოდა, რომ მან 2014 წლის 28 ოქტომბერს დაახლოებით 22:00 საათზე დახრჩობით სიცოცხლე მოუსპო მასთან სტუმრად მყოფ, საძინებელ ოთახში მძინარე მცირეწლოვან ლ. შ-ს. სისხლის სამართლის საქმეზე მტკიცებულებათა გამოკვლევის და მხარეთა დასკვნითი სიტყვების მოსმენის შემდგომ ნაფიცმა მსაჯულებმა გამამტყუნებელი ვერდიქტი ერთხმად მიიღეს. სასჯელის დანიშვნის სხდომაზე სასამართლომ მ.გ-ს სასჯელის სახით 13 წლის და 6 თვის ვადით თავისუფლების აღკვეთა შეუფარდა. |