2013 წლის 06 ნოემბერს ქუთაისის საქალაქო სასამართლოში ნაფიცმა მსაჯულებმა ბესიკ ბ.-ს ბრალდების საქმეზე ვერდიქტი გამოიტანეს. მას ბრალი ედებოდა ქ. თერჯოლაში ურთიერთ შელაპარაკების დროს, შურისძიების მოტივით, დანის გამოყენებით რეზო ნიშნიაძის განზრახ მკველელობაში და გიორგი გარმელიას განზრახ მკვლელობის მცდელობაში, რა მიზნითაც მათ მიაყენა სხეულის სხვადასხვა მიდამოებში ნაკვეთ-ნაჩხვლეტი ჭრილობები, რის შედეგადაც რეზო ნიშნიაძე გარდაიცვალა, ხოლო გიორგი გარმელია სიკვდილს გადაურჩა, ბესიკ ბ-სგან დამოუკიდებელი მიზეზების გამო - დროულად გაწეული სამედიცინო დახმარების შედეგად. საქმეზე გამოკვლეული მტკიცებულებების მოსმენისა და შეფასების შემდეგ ნაფიცმა მსაჯულებმა ბესიკ ბ. განზრახ მკვლელობაში დამნაშავედ სცნეს, ხოლო განზრახ მკვლელობის მცდელობაში, ჩადენილი დამამძიმებელ გარემოებებში, ორი ან მეტი პირის მიმართ - გაამართლეს. |