რუსთავის საქალაქო სასამართლომ ბათილად ცნო რუსთავის მუნიციპალიტეტის მერიის ბრძანება და მოსარჩელე აღდგენილ იქნა თანამდებობაზე

რუსთავის საქალაქო სასამართლოს წარმოებაში იყო მოსარჩელე მ.თ.-ს სარჩელი რუსთავის მუნიციპალიტეტის მერიის ბრძანების ბათილად ცნობის, მ. თ.-ს სამსახურში აღდგენის და განაცდურის ანაზღაურებაზე უარის თქმის შესახებ; მოსარჩელე ასევე  ითხოვდა დაუყონებლივ აღდგენილიყო რუსთავის მუნიციპალიტეტის მერიის ადმინისტრაციის უფროსის თანამდებობაზე ან მის ტოლფას თანამდებობაზე;

ამასთან, ითხოვა მოპასუხე რუსთავის მუნიციპალიტეტის მერიისთვის მოსარჩელის სასარგებლოდ განაცდური ხელფასის სრული ანაზღაურების დაკისრებას, სამსახურში იძულებითი არყოფნის მთელი პერიოდისთვის.

რუსთავის საქალაქო სასამართლოს გადაწყვეტილებით ბათილად იქნა ცნობილი  რუსთავის  მუნიციპალიტეტის  მერიის ბრძანება მ. თ.-ის აღდგენისა და განაცდურის ანაზღაურებაზე უარის თქმის შესახებ, მ.თ. აღდგენილ იქნა ქ. რუსთავის მუნიციპალიტეტის მერიის ადმინისტრაციის უფროსის ტოლფას თანამდებობაზე. მოპასუხე - რუსთავის მუნიციპალიტეტის მერიას მოსარჩელის  სასარგებლოდ დაეკისროს განაცდური ხელფასის ანაზღაურება.

სასამართლოს მიერ მიღებული გადაწყვტილება მიექცა დაუყონებლივ აღსასრულებლად.

გადაწყვეტილება შეიძლება გასაჩივრდეს სააპელაციო საჩივრით თბილისის სააპელაციო სასამართლოს  ადმინისტრაციულ საქმეთა პალატაში (მდებარე: ქ.თბილისი, გრ. რობაქიძის გამზ. №7ა) დასაბუთებული გადაწყვეტილების მხარეთათვის გადაცემის მომენტიდან 14 (თოთხმეტი) დღის ვადაში, რუსთავის საქალაქო სასამართლოს ადმინისტრაციულ საქმეთა კოლეგიის (მდებარე:  ქ. რუსთავი, ბოსტან -ქალაქის ქ. №6) მეშვეობით.