|
რუსთავის საქალაქო სასამართლოს წარმოებაში იყო ბრალდებულ დ.კ.-ს მიმართ სისხლის სამართლის საქმე დანაშაული გათვალისწინებული საქართველოს სისხლის სამართლის კოდექსის 1261-ე მუხლის პირველი ნაწილით.
საქმის მასალების მიხედვით ალკოჰოლის ზემოქმედების ქვეშ მყოფმა დ.კ.-მ მამამისს ტ.კ.-ს საცხოვრებელ სახლში ურთიერთშელაპარაკების ნიადაგზე მიაყენა ფიზიკური შეურაცხყოფა, რის შედეგადაც ტ.კ.-მ განიცადა ფიზიკური ტკივილი.
სასამართლო სხდომაზე დაზარალებულმა ტ.კ-მ უარი განაცხადა მისი ოჯახის წევრის წინააღმდეგ ჩვენების მიცემაზე, შესაბამისად სასამართლომ მოისმინა მხარეთა ახსნა-განმარტებანი, გაეცნო საქმეში წარმოდგენილ მასალებს და მტკიცებულებათა ერთობლიობით მიიჩნია, რომ ბრალდების მხარის მიერ ვერ იქნა წარმოდგენილი, საკმარის მტკიცებულებათა ერთობლიობა, რომელიც გონივრულ ეჭვს მიღმა სტანდარტით დაადასტურებდა ბრალდებულის დ.კ.-ს ბრალეულობას საქართველოს სისხლის სამართლის კოდექსის 1261-ე მუხლის პირველი ნაწილით.
სასამართლოს განაჩენი შეიძლება გასაჩივრდეს გამოცხადებიდან ერთი თვის ვადაში, თბილისის სააპელაციო სასამართლოს სისხლის სამართლის საქმეთა პალატაში. |
mediacia
მომწონს (
არ მომწონს (
