|
რუსთავის საქალაქო სასამართლოს წარმოებაში იყო ბრალდებულ ს.ბ.-ს მიმართ სისხლის სამართლის საქმე დანაშაული გათვალისწინებული საქართველოს სისხლის სამართლის კოდექსის 111,151-ე მუხლის პირველი ნაწილით.
საქმის მასალების მიხედვით ალკოჰოლის ზემოქმედების ქვეშ მყოფი ს.ბ. მეუღლეს ზ.ბ.-ს საცხოვრებელ სახლში დანის დემონსტრირებით დაემუქრა სიცოცხლის მოსპობით, რის გამოც დაზარალებულ ზ.ბ.-ს გაუჩნდა სიცოცხლის მოსპობის მუქარის განხორციელების საფუძვლიანი შიში.
სასამართლო სხდომაზე დაზარალებულმა ზ.ბ-მ და (ოჯახის წევრებმა) მოწმეებმა თ.ბ.-მ, რ.ბ.მ და რ.ბ.-მ უარი განაცხადეს მათი ოჯახის წევრის წინააღმდეგ ჩვენების მიცემაზე, შესაბამისად სასამართლომ მოისმინა საქმეზე წარმოდგენილ სხვა მოწმის ჩვენება, მხარეთა ახსნა-განმარტებანი, გაეცნო საქმეში წარმოდგენილ მასალებს და სასამართლო სხდომაზე გამოკვლეულ მტკიცებულებათა ერთობლიობით მიიჩნია, რომ ბრალდების მხარის მიერ ვერ იქნა წარმოდგენილი, საკმარის მტკიცებულებათა ერთობლიობა, რომელიც გონივრულ ეჭვს მიღმა სტანდარტით დაადასტურებდა ბრალდებულის ს.ბ.-ს ბრალეულობას საქართველოს სისხლის სამართლის კოდექსის 111, 151-ე მუხლის პირველი ნაწილით.
სასამართლოს განაჩენი შეიძლება გასაჩივრდეს გამოცხადებიდან ერთი თვის ვადაში, თბილისის სააპელაციო სასამართლოს სისხლის სამართლის საქმეთა პალატაში. |
mediacia
მომწონს (
არ მომწონს (
