მადლობის წერილი

რუსთავის საქალაქო სასამართლომ მორიგი მადლობის წერილი მიიღო.

 მიღებული სერვისით კმაყოფილი მოქალაქე მადლიერებას გამოხატავს რუსთავის საქალაქო სასამართლოს კანცელარიისა და მოქალაქეთა მისაღები განყოფილების თანამშრომლის მარიამ სილაქაძის და სასამართლოს პერსონალის მიმართ. სასამართლოს მომხმარებელი მადლობას უხდის მარიამ სილაქაძის მშობლებს ყურადღებიანი და ზრდილობიანი ახალგაზრდის აღზრდისთვის, რომელიც ასევე გამოირჩევა პროფესიონალიზმითა და სასამართლოს მომხმარებლებისადმი პატივისცემით.

საყურადღებოა აღინიშნოს, რომ 2025 წელს, ეს უკვე მე-3 შემთხვევაა, როდესაც სასამართლოს მომხმარებელი, წერილობით გამოხატავს მადლიერებას რუსთავის საქალაქო სასამართლოს მოსამართლეებისა და თანამშრომლების მიმართ.

მიუხედავად იმისა, რომ მოქალაქეს მოცემულ შემთხვევაშიც არ დაუმალავს პერსონალური მონაცემები, საზოგადოებას წარმოდგენილ განცხადებას ვთავაზობთ ამ პირის პერსონალური მონაცმების დაფარვით, ვინაიდან, ჩვენ არ შეგვითანხმებია მასთან აღნიშნული განცხადებას გასაჯაროების საკითხი.