|
თბილისის საქალაქო სასამართლოსა და კავკასიის საერთაშორისო უნივერსიტეტს შორის ურთიერთთანამშრომლობის მემორანდუმი გაფორმდა. მემორანდუმს ხელი კავკასიის საერთაშორისო უნივერსიტეტის რექტორმა კახაბერ კორძაიამ და თბილისის საქალაქო სასამართლოს თავმჯდომარემ მამუკა ახვლედიანმა მოაწერეს.
ურთიერთთანამშრომლობის მემორანდუმის ფარგლებში კავკასიის საერთაშორისო უნივერსიტეტის სამართლის ფაკულტეტის სტუდენტებისათვის ჩატარდება ლექცია-სემინარები. სტუდენტებს საშუალება ექნებათ უშუალოდ გაეცნონ სასამართლო სისტემას და დაესწრონ თბილისის საქალაქო სასამართლოში მიმდინარე სასამართლო სხდომებს.
თბილისის საქალაქო სასამართლო მხარს უჭერს სტუდენტთა ინიციატივებს მათი იურიდიული განათლებისა და პროფესიული უნარ-ჩვევების განვითარების კუთხით. |
მომწონს (
არ მომწონს (
