2015 წლის 7 თებერვალს, თბილისის საქალაქო სასამართლოს აპარატის მოხელთა ატესტაცია გაიმართა. ატესტაცია ტესტირების ფორმით მოსამართლის თანაშემწეებმა და სხდომის მდივნებმა გაიარეს. საატესტაციო ზღვარი სასამართლო მოხელეთა სრულმა უმრავლესობამ გადალახა. მეორე ეტაპი გასაუბრებას მოიცავს.
ტესტირება არ შეეხოთ იმ მოხელეებს, რომლებსაც აქვთ სამეცნიერო ხარისხი ან/და ჩაბარებული აქვთ მოსამართლის საკვალიფიკაციო გამოცდა შესაბამისი კვალიფიკაციით გამოცდის ჩაბარებიდან არ არის გასული შვიდი წელი. ყველა დანარჩენი მოხელისათვის ატესტაცია გასაუბრების ფორმით გაიმართება
ატესტაცია ”საჯარო სამსახურის შესახებ” საქართველოს კანონის, ”საჯარო მოხელეთა ატესტაციის ჩატარების წესის დამტკიცების შესახებ” საქართველოს მთავრობის 2014 წლის 18 ივნისის N411 დადგენილების საფუძველზე ტარდება და მოხელის სამსახურეობრივი საქმიანობის, პროფესიული უნარ-ჩვევების, კვალიფიკაციის, შესაძლებლობების განსაზღვრისა და დაკავებულ ან დასაკავებელ თანამდებობასთან შესაბამისობის დადგენის მიზნით იმართება. |