2015 წლის აპრილის თვეში თბილისის საქალაქო სასამართლოში გაიმართება ,,სისხლის სამართლის სამეცნიერო კონფერენცია” შემდეგ თემატიკაზე:
· ბრალი და მისი ფორმები.
· პასუხისმგებლობა ნარკოტიკული დანაშაულისთვის.
· სისხლისსამართლებრივი დევნის ალტერნატიული ღონისძიებები არასრუწლოვან პირთა მიმართ.
კონფერენციაში მონაწილეობის მიღება შეუძლიათ იურიდიული ფაკულტეტის დამამთავრებელი კურისის ან სამაგისტრო პროგრამის სტუდენტებს, რომლებიც დაინტერესებულნი არიან სისხლისსამართლებრივი საკითხებით.
წარმოდგენილი ნაშრომებიდან საბოლოოდ შეირჩევა 10 საუკეთესო ნაშრომის ავტორი, რომლებიც მონაწილეობას მიიღებენ დაგეგმილ კონფერენციაში.
ნაშრომის მოცულობა, უნდა მერყეობდეს არაუმეტეს 15 და არანაკლებ 10 გვ. ტექსტი აკრეფილი უნდა იყოს A 4 ზომის სტანდარტულ ფურცელზე. ტექსტის შრიფტის ზომა 12
სავალდებულოა აკადემიური წესის ძირითადი პრინციპების დაცვა და გამოყენებული ლიტერატურის მითითება. პლაგიატიზმის შემთხვევაში სტუდენტი ავტომატურად მოიხსნება კონფერენციიდან.
მონაწილეებს გადაეცემათ სერთიფიკატები, ხოლო სამი საუკეთესო ნაშრომის ავტორი, გაივლის 6 თვიან სტაჟირებას თბილისის საქალაქო სასამართლოს სისხლის სამართლის საქმეთა კოლეგიაში.
დაინტერესებულმა პირებმა ნაშრომი 2015 წლის 4 აპრილამდე უნდა გადმოაგზავნონ შემდეგ ელ.ფოსტაზე: g.svianadze@yahoo.com |