თბილისის საქალაქო სასამართლოსა და ქართულ-ამერიკულ უნივერსიტეტს (GAU) შორის ურთიერთთანამშრომლობის მემორანდუმი გაფორმდა. მემორანდუმს ხელი თბილისის საქალაქო სასამართლოს თავმჯდომარემ მამუკა ახვლედიანმა და ქართულ-ამერიკული უნივერსიტეტის (GAU) ვიცე-პრეზიდენტმა ზაზა რუხაძემ მოაწერეს.
მემორანდუმი ერთობლივი ღონისძიებების დაგეგმვასა და განხორციელებას ითვალისწინებს. ქართულ-ამერიკული უნივერსიტეტის (GAU) სტუდენტებისათვის ჩატარდება ლექცია-სემინარები მათთვის საინტერესო სამართლებრივ თემებთან დაკავშირებით. სტუდენტებს, ასევე, საშუალება ექნებათ უშუალოდ გაეცნონ სასამართლო სისტემას და დაესწრონ თბილისის საქალაქო სასამართლოში მიმდინარე სასამართლო სხდომებს.
თბილისის საქალაქო სასამართლო ტრადიციულად მხარს უჭერს ყველა პროექტსა და ინიციატივას, რომელიც მომავალი იურისტების პროფესიული უნარ-ჩვევების განვითარებას ისახავს მიზნად. |