დღეს თბილისის საქალაქო სასამართლოს თავმჯდომარემ სისხლის სამართლის სამეცნიერო კონფერენციის მონაწილეები დააჯილდოვა. მამუკა ახვლედიანმა საუკეთესო ნაშრომის ავტორებს სერთიფიკატები გადასცა. გამარჯვებულად ივანე ჯავახიშვილის სახელობის სახელმწიფო უნივერსიტეტის იურიდიული ფაკულტეტის მე-4 კურსის სტუდენტი ნანა გოშნიაშვილის ნაშრომი დასახელდა.
კონფერენციაში, რომელიც ერთი თვის მანძილზე მიმდინარეობდა, სხვადასხვა უმაღლესი სასწავლებლის იურიდიული ფაკულტეტის დამამთავრებელი კურსის სტუდენტები მონაწილეობდნენ. წარმოდგენილი იყო ნაშრომები სისხლის სამართლის მიმართულებით, კერძოდ, ბრალი და მისი ფორმები; პასუხისმგებლობა ნარკოტიკული დანაშაულისთვის; სისხლისსამართლებრივი დევნის ალტერნატიული ღონისძიებები არასრუწლოვან პირთა მიმართ.
სისხლის სამართლის სამეცნიერო კონფერენციის მონაწილეები თბილისის საქალაქო სასამართლოში სტაჟირების კურსს გაივლიან. სასამართლოს თავმჯდომარემ და მენეჯერმა სტუდენტებს პროექტში გამარჯვება მიულოცეს და წარმატებები უსურვეს. |