თბილისის საქალაქო სასამართლოს, საქართველოს განათლებისა და მეცნიერების სამინისტროს სსიპ საგანმანათლებლო დაწესებულების მანდატურის სამსახურის პროგრამის ”პროფესიული ორიენტაცია და კარიერის დაგეგმვა” ფარგლებში, N63 საჯარო სკოლის მე-9 კლასის მოსწავლეები ეწვივნენ.
მოსწავლეებმა სასამართლოს შენობა და სასამართლო სხდომის დარბაზები დაათვალიერეს, გაეცნენ მოქალაქეთა მომსახურების მუშაობის სპეციფიკას, რის შემდეგაც სტუმრები თბილისის საქალაქო სასამართლოს თავმჯდომარემ და მენეჯერმა მიიღო. შეხვედრა კითხვა-პასუხის რეჟიმში წარიმართა, მოსწავლეებმა მათთვის საინტერესო სამართლებრივ საკითხებზე ამომწურავი პასუხები მიიღეს.
შეხვედრის ბოლოს, მამუკა ახვლედიანმა სტუმრებს საჩუქრად წიგნი ”სამართლის ქალაქი” გადასცა.
აღნიშნული პროგრამის ფარგლებში, თბილისის საქალაქო სასამართლოში კიდევ რამდენიმე შეხვედრა იგეგმება. |