სასამართლო ”საყდრისი-ყაჩაღიანის” ობიექტს ადგილზე დაათვალიერებს

2015 წლის 13 მაისს, თბილისის საქალაქო სასამართლოს ადმინისტრაციულ საქმეთა კოლეგიამ განიხილა მოსარჩელე კახა კოჟორიძის და გიორგი გოგოჭურის შუამდგომლობა, უზრუნველყოფის ღონისძიების გამოყენების თაობაზე, მოპასუხე საქართველოს კულტურის სამინისტროს, კულტურული მემკვიდრეობის დაცვის სააგენტოს და საქმეში მესამე პირად ჩართული, “RMG Gold”-ის მიმართ,  რომლითაც მოსარჩელეები ითხოვდნენ 2014 წლის 12 დეკემბერს გამოცემული ადმინისტრაციული აქტების მოქმედების შეჩერებას. აღნიშნული აქტების საფუძველზე, კომპანია “RMG Gold”-ს ”საყდრისი-ყაჩაღიანის” არქეოლოგიური ობიექტის ”აღება-დაშლის ” თანხმობა მიეცა.

უზრუნველყოფის ღონისძიებაზე საბოლოო გადაწყვეტილების მისაღებად, ადმინისტრაციულ საქმეთა კოლეგიის მოსამართლემ მიიღო განჩინება">განჩინება მხარეთა, მოწმეთა და სპეციალისტთა მონაწილეობით, ობიექტის ადგილზე დათვალიერების შესახებ.

თბილისის საქალაქო სასამართლოში შუამდგომლობის განხილვა გაგრძელდება 18 მაისს, 12:00 საათზე.