|
საქართველოს უზენაესი სასამართლოს თავმჯდომარე ნინო გვენეტაძე დღეს თბილისის საქალაქო სასამართლოს ეწვია და მოსამართლეთა პროფესიული დღე მოსამართლეთა კორპუსს პირადად მიულოცა.
უზენაესი სასამართლოს თავმჯდომარემ მართმსაჯულების რეფორმის მესამე ეტაპის მნიშვნელობაზე ისაუბრა და ამ მიმართულებით, საკანონმდებლო ცვლილებების აუცილებლობაზე გაამახვილა ყურადღება. ნინო გვენეტაძის განცხადებით, ამოქმედდება სამეცნიერო საკონსულტაციო საბჭოს ფორმატი და მოსამართლეებს მართმსაჯულების სწრაფი და ეფექტური განხორციელების მიზნით, კომუნიკაციის შესაძლებლობა ექნებათ სხვადასხვა დარგის, როგორც ქართველ, ასევე უცხოელ ექსპერტ-სპეციალისტებთან. შეხვედრაზე სასამართლოს შენობის გაფართოების აუცილებლობაზე გამახვილდა ყურადღება.
დასასრულს უზენაესი სასამართლოს თავმჯდომარემ სასამართლოს შენობა დაათვალიერა, მოინახულა ახლადდანიშნულ მოსამართლეთა სამუშაო ოთახები და სამართლებრივი და ორგანიზაციული უზრუნველყოფის განყოფილება. |
მომწონს (
არ მომწონს (
