|
2015 წლის 19 მაისს, თბილისის საქალაქო სასამართლოს აშშ სამართლის უზენაესობის განვითარების ფონდის (FSRI) პრეზიდენტი ვიქტორ სჩატერი და ამავე ორგანიზაციის წარმომადგენელი ჯონ კოპელი ეწვივნენ. სტუმრებს სასამართლო მედიაციის ცენტრის ხელმძღვანელი და სასამართლო მედიატორთა ასოციაციის აღმასრულებელი დირექტორი სალომე ტყეშელაშვილი შეხვდა.
ორგანიზაციის წარმომადგენლებმა მედიაციის ოთახები დაათვალიერეს, გაეცნენ საქართველოში სასამართლო მედიაციის პროექტის მიმდინარეობას, იმპლემენტაციის პროცესის დეტალებს და ჩატარებული სესიების სტატისტიკას.
ვიქტორ სჩატერი და ჯონ კოპელი ქვეყანაში იუსტიციის უმაღლესი საბჭოს მოწვევით იმყოფებიან და სამომავლოდ მედიაციის პროექტის განვითარების მიზნით, მჭიდრო თანამშრომლობას გეგმავენ. |
მომწონს (
არ მომწონს (
