თბილისის საქალაქო სასამართლო სტიქიით დაზარალებულთა დასახმარებლად

თბილისის საქალაქო სასამართლო მწუხარებას გამოთქვამს და თანადგომას უცხადებს თბილისში, სტიქიის შედეგად გარდაცვლილთა ოჯახებს და დაზარალებულებს.

თბილისის საქალაქო სასამართლომ დაზარალებულთათვის შეიძინა საკვები პროდუქტები. ასევე, შეაგროვა საყოფაცხოვრებო ნივთები, პირველადი მოხმარებისა და ჰიგიენის საშუალებები. 

საერთო სასამართლოებში შეგროვებული ნივთები საქართველოს უზენაეს სასამართლოში დაზარალებულთა დასახმარებლად შექმნილ შტაბში იქნება თავმოყრილი, საიდანაც მოხდება სასამართლოების სახელით მთავარ შტაბში გადატანა და დაზარალებულთა დახმარება.

ამასთან, სტიქიის შედეგად დაზარალდა თბილისის საქალაქო სასამართლოს მოქალაქეთა მომსახურების ცენტრის თანამშრომელი ნინო ბრელიძე, რომელმაც დაკარგა სახლი და ამჟამად სასტუმროში ცხოვრობს. თბილისის საქალაქო სასამართლო მზად არის მასაც გაუწიოს გარკვეული სახის დახმარება. საერთო სასამართლოების თანამშრომლებს, დახმარების სურვილის შემთხვევაში, გთხოვთ, დაუკავშირდეთ თბილისის საქალაქო სასამართლოს პრესსამსახურს ნომერზე 2 53 03 00 ( 1220, 1224) ან 599 36 56 48, 551 35 10 30.