|
2015 წლის 4 ივლისს, თბილისის საქალაქო სასამართლოში, ამერიკის საელჩოს იუსტიციის დეპარტამენტისა ( Us Embassy DOJ) და ამერიკის იურისტთა ასოციაციის, კანონის უზენაესობის ინიციატივის (ABA ROLI) მიერ ორგანიზებული ნაფიც მსაჯულთა იმიტირებული პროცესის მოსამზადებელი ეტაპი გაიმართა - მონაწილეებმა მსაჯულობის კანდიდატებისათვის განკუთვნილი სპეციალური კითხვარი შეავსეს.
პროექტის პირველ ეტაპზე მონაწილეობა თბილისის ივ. ჯავახიშვილის სახელობის სახელმწიფო უნივერსიტეტისა და ილიას სახელმწიფო უნივერსიტეტის იურიდიული ფაკულტეტის 100 მდე სტუდენტმა მიიღო.
2015 წლის 12 ივლისს, იმიტირებული პროცესის შემდგომი ეტაპი გაიმართება. კერძოდ, საქალაქო სასამართლოში ნაფიც მსაჯულთა შერჩევის 5 პარალელური პროცესი ჩატარდება, რომლებშიც მხარეებად წარმოდგენილნი იქნებიან მოქმედი ადვოკატები, პროკურორები და სხდომებს წარუძღვებიან მოსამართლეები.
პროექტი დაფინანსებულია ამერიკის შეერთებული შტატების საერთაშორისო ანტინარკოტიკული და სამართალდაცვითი პროგრამების ბიუროს (INL) მიერ. |
მომწონს (
არ მომწონს (
