სისხლის უანგარო დონაციის აქცია საქალაქო სასამართლოში

თბილისის საქალაქო სასამართლოში სისხლის უანგარო დონაციის მორიგი აქცია -„გმადლობ, რომ სიცოცხლე გადამირჩინე!“ გაიმართა. უკვე, მესამე წელია „სისხლის გადასხმის საქალაქო სადგურთან“ ერთად, სასამართლოს აპარატის მოხელეები და მოსამართლეები რეგულარულად მონაწილეობენ საქველმოქმედო კამპანიაში სისხლის საჭირო მარაგის შესაქმნელად. სათანადოდ აღჭურვილი მობილური ჯგუფი უწყების თანამშრომლებს ადგილზე მოემსახურა. 

სისხლის გაღების მსურველთა ასაკი 18 დან 65 წლამდე განისაზღვრება. დონორებისათვის სისხლის გაღება სრულიად უსაფრთხოა და ერთჯერადად 400 მილიგრამამდე სისხლი გაიცემა. დონორის ორგანიზმი თავად იწყებს სისხლის აღდგენასა და განახლებას, რაც სასარგებლოა ჯანმრთელობისთვის. 

თბილისის საქალაქო სასამართლო მადლობას უხდის სისხლის უანგარო დონაციის აქციის ყველა მონაწილეს და გამოთქვამს მზადყოფნას მომავალშიც განაგრძოს თანამშრომლობა სისხლის ბანკებთან.