2015 წლის 20 ოქტომბერს, თბილისის საქალაქო სასამართლოში ელექტრონული სამართალწარმოების თემაზე კიდევ ერთი შეხვედრა გაიმართა. სასამართლოს თავმჯდომარემ მამუკა ახვლედიანმა გერმანელი კოლეგა, დიუსელდორფის უმაღლესი ინსტანციის სამხარეო სასამართლოს მოსამართლე, დოქტორი არნდ ვაისჰაუფთი მიიღო.
ელექტრონული საქმისწარმოების პროგრამა, სასამართლოში საქმეთა ელექტრონული განაწილების ახალი მოდული, სარჩელის, შუამდგომლობისა და სხვა წერილობითი მასალების ელექტრონულად წარდგენის შესაძლებლობები - ეს საკითხები იყო შეხვედრის მთავარი თემა. მხარეებმა, ასევე, იმსჯელეს ელექტრონული საქმისწარმოების დადებით მხარეებზე, არსებულ პრობლემებზე და მათი მოგვარების გზებზე.
ვიზიტის ორგანიზატორი და მხარდამჭერია გერმანიის საერთაშორისო სამართლებრივი თანამშრომლობის ფონდი (IRZ). |