|
მედიასივრცეში გახშირდა ცილისმწამებლური განცხადებების გავრცელება ცალკეული მოსამართლისა და სასამართლო სისტემის მიმართ, რაც მიზანმიმართული დისკრედიტაციის სახეს ღებულობს და საფრთხეს უქმნის დამოუკიდებელი და მიუკერძოებელი სასამართლო სისტემის ნორმალურ ფუნქციონირებას.
საქართველოს მოსამართლეთა ასოციაცია მიიჩნევს, რომ საქმე გვაქვს მოსამართლეების წინააღმდეგ მიმართულ ცილისმწამებლურ კამპანიასთან, რაც ყოველგვარ გონივრულ ფარგლებს სცილდება, ლახავს მოსამართლეთა რეპუტაციას და შეიძლება გამოიწვიოს საზოგადოებაში ნიჰილისტური განწყობის ჩამოყალიბება სასამართლო სისტემის მიმართ.
ზემოაღნიშნულიდან გამომდინარე, საქართველოს მოსამართლეთა ასოციაცია იმედს გამოთქვამს, რომ შესაბამისი ორგანოები მოახდენენ კომპეტენტურ რეაგირებას სამართალდარღვევათა შესაძლო ჩადენის ფაქტებზე, მათი არსებობის შემთხვევაში, იმავდროულად მოუწოდებს ყველას, მათ შორის პროცესის მონაწილე მხარეებს, დაიცვან ეთიკის ნორმები და თავი შეიკავონ გადაუმოწმებელი, ცილისმწამებლური განცხადებების გაკეთებისგან.
საქართველოს მოსამართლეთა ასოციაცია
|
მომწონს (
არ მომწონს (
