თბილისის საქალაქო სასამართლომ N53 საჯარო სკოლის მე-10 და მე-11 კლასის მოსწავლეებს უმასპინძლა.
სასამართლოს მენეჯერმა მაკა თოდუამ მოსწავლეებს სასამართლოს შენობა დაათვალიერებინა. კერძოდ, ბავშვებმა მოინახულეს სასამართლო სხდომის დარბაზები და მოქალაქეთა მომსახურების ცენტრი. მენეჯერმა მოსწავლეებს ცენტრის ფუნქციონირების შესახებ მიაწოდა ინფორმაცია და მათ შეკითხვებს უპასუხა.
თბილისის საქალაქო სასამართლო ტრადიციულად მხარს უჭერს ინიციატივებს, რომლებიც მომავალი თაობის სამართლებრივი უნარ-ჩვევების განვითარებას ემსახურება.
|