2015 წლის 22 დეკემბერს, თბილისის საქალაქო სასამართლოს თავმჯდომარე მამუკა ახვლედიანი საქართველოს საზოგადოებრივ საქმეთა ინსტიტუტის (GIPA) სამართლის სკოლის სტუდენტებს შეხვდა.
საჯარო ლექცია ინსტიტუციებს შორის გაფორმებული ურთიერთთანამშრომლობის მემორანდუმის ფარგლებში ჩატარდა. შეხვედრა კითხვა-პასუხის რეჟიმში წარიმართა და სტუდენტებმა დასვეს კითხვები სასამართლო სისტემის მიმდინარე გამოწვევების, ნაფიც მსაჯულთა სასამართლოს, საქმისწარმოების ელექტრონული სისტემისა და მართლმსაჯულების ეფექტიანად განხორციელებისათვის საჭირო სამომავლო რეფორმების შესახებ.
დასასრულს, მხარეებმა მომავალი თანამშრომლობის შესახებ ისაუბრეს და სტუდენტებისთვის საქალაქო სასამართლოში სტაჟირების გავლის შესაძლებლობა განიხილეს. |