თბილისის საქალაქო სასამართლო მადლობის სიგელით დაჯილდოვდა ივანე ჯავახიშვილის სახელობის სახელმწიფო უნივერსიტეტის სტუდენტური თვითმმართველობის განათლებისა და მეცნიერების დეპარტამენტის მიერ ორგანიზებულ პროექტის : „ ბიზნეს სამართლის სკოლისა და ბიზნეს სამართლის იმიტირებული პროცესის„ აქტიური პარტნიორობისათვის. სიგელი თბილისის საქალაქო სასამართლოს მენეჯერ ქალბატონ მაკა თოდუას გადაეცა , რომელმაც თავის მხრივ, პროექტის წარმატებით დასრულება მიულოცა სტუდენტებს და გამოთქვა მზადყოფნა მომავალშიც დაუჭიროს მხარი სტუდენტთა ინიციატივებს.
იმიტირებული პროცესების ფინალური შეხვედრა და გამარჯვებულთა დაჯილდოების ცერემონია საქართველოს უზენაეს სასამართლოში გაიმართა. პროექტის ფარგლებში პირველი ინსტანციის იმიტირებულ პროცესებს თბილისის საქალაქო სასამართლო მასპინძლობდა. იმიტირებული პროცესები სამოქალაქო სამართლის მიმართულებას მოიცავდა და მომავალი იურისტები სამეწარმეო დავებს განიხილავდნენ. თბილსის საქალაქო სასამართლო კვლავაც გამოთქვამს მზადყოფნას სტუდენტებთან თანამშრომლობისათვის მათი პრაქტიკული უნარ-ჩვევების განვითარების მიზნით. |