|
დღეს თბილისის საქალაქო სასამართლოში სისხლის სამართლის იმიტირებული პროცესები გაიმართა.
თბილისის ივანე ჯავახიშვილის სახელობის სახელმწიფო უნივერსიტეტის პრაქტიკული სამართლის კლინიკის ფარგლებში, N 11 საჯარო სკოლის დამამთავრებელი კლასის მოსწავლეების მონაწილეობით იმიტირებული სასამართლო სხდომა ნაფიც მსაჯულთა მონაწილეობით ჩატარდა. ნაფიცმა მსაჯულებმა ვერდიქტი წინასწარი შეცნობით არასრულწლოვნის განზრახ მკვლელობის საქმეზე მიიღეს.
კიდევ ერთი იმიტირებული პროცესი სასწავლო პროგრამის ფარგლებში, შავი ზღვის საერთაშორისო უნივერსიტეტის სამართლის ფაკულტეტის სტუდენტებმა გამართეს. სხდომა, რომელზეც მხარეებმა ამერიკის შეერთებული შტატების პრეზიდენტის ჯონ კენედის მკვლელობის საქმე განიხილეს, ინგლისურ ენაზე წარიმართა.
თბილისის საქალაქო სასამართლო წარმატებას უსურვებს მომავალ იურისტებს. |
მომწონს (
არ მომწონს (
