დღეს, 27 დეკემბერს, თბილისის საქალაქო სასამართლომ სკოლის მოსწავლეთა მონაწილეობით გამართულ, მორიგ სისხლის სამართლის იმიტირებულ პროცესებს უმასპინძლა.
თბილისის ივანე ჯავახიშვილის სახელობის სახელმწიფო უნივერსიტეტის პრაქტიკული სამართლის კლინიკის ფარგლებში, სამი სხვადასხვა საჯარო სკოლის მაღალი კლასის მოსწავლეების მონაწილეობით იმიტირებული სასამართლო სხდომები ჩატარდა როგორც ნაფიც მსაჯულთა მონაწილეობით, ასევე მათ გარეშე.
სკოლის მოსწავლეების მიერ განხილული ყველა საქმე განზრახ მკვლელობის მუხლით წარიმართა.
თბილისის საქალაქო სასამართლო წარმატებას უსურვებს მომავალ იურისტებს და მზად არის მომავალშიც შეუწყოს ხელი მათ პროფესიულ განვითარებას. |