თბილისის საქალაქო სასამართლო დაჯილდოვდა

თბილისის საქალაქო სასამართლო, როგორც ყველაზე ღია სასამართლო ინსტანცია, არასამთვრობო ორგანიზაციამ - ”ახალგაზრდა ადვოკატები” სიგელით დააჯილდოვა.

თბილისის საქალაქო სასამართლოსთან ერთად ჯილდო სხვადასხვა ნომინაციაში მედია საშუალებებისა და სახელმწიფო უწყებების წარმომადგენლებს გადაეცათ.

ღონისძიებაზე ”ახალგაზრდა ადვოკატების” დამფუძნებლებმა მოწვეულ სტუმრებს წლის ანგარიში გააცნეს, სამომავლო გეგმებზე ისაუბრეს და რამდენიმე საჯარო უწყებას თანამშრომლობისათვის მადლობა გადაუხადეს. ამასთან, ორგანიზაციამ გამოავლინა სტუდენტური პროექტის გამარჯვებულები და მათ სიგელები გადასცა.